Ek Aakhri Baar…

Kehte hai,

Zindagi mein bohut log milenge,

Jinse hum khushiyaan baat sakte hai –

“Unhe apne paas rakhna”

Par main dhundhti hu usse,

Jisse apni khamoshiyaan baat sakoon-

Apni dil ki tanhaiyon ko khulke bayaan kar sakoon.

Koi mila tha,

Jisse bin kahe,

Sab keh jaati thi.

Ek puraane kitaab ki panne ki tarah,

Lagta tha wo.

Par mutthi khulte hi,

Ret ki tarah -phisalkar ojhal ho gaya

Baithi rahi main

Uske intezaar mein,

Aaj bhi, aakhen taras rahe hai

Usse dekhne ke khaatir,

Ek aakhri baar…